Mëngjesin e së dielës, në zemër të Malit të Gazibabes, në mes të bukurisë natyrore dhe ajrit të pastër, u lançua kampanja “Vepro Tani për Natyrën”. Kjo nismë synon të mbrojë dhe ruajë mjedisin tonë, duke na kujtuar të gjithëve rëndësinë e veprimit të menjëhershëm për të garantuar një të ardhme më të gjelbër dhe më të shëndetshme.
Në këtë ngjarje, shumë qytetarë të pasionuar pas natyrës, aktivistë mjedisorë dhe përfaqësues të organizatave joqeveritare u bashkuan për të kontribuar në këtë kauzë të rëndësishme. Prania e tyre tregon se, vetëm bashkë, mund të sjellim ndryshime të mëdha për mjedisin.
Në këtë ditë të bukur vere, mbollëm pemë, pastruam hapësira publike, vendosëm shporta për ndarjen e mbeturinave dhe shënjuam fushat sportive. Atmosfera ishte mbushur me energji pozitive dhe një ndjenjë të fortë bashkëpunimi, ku të gjithë kontribuan për mbrojtjen e natyrës.
Kampanja “Vepro Tani për Natyrën” është një thirrje për të gjithë që të jemi më të vetëdijshëm dhe të ndërmarrim veprime konkrete për të ruajtur dhe përmirësuar ambientin tonë. Çdo hap i vogël, çdo pemë e mbjellë dhe çdo mbeturinë e mbledhur është një hap për një të ardhme më të pastër dhe më të shëndetshme.
Le të jetë ky fillim në Malin e Gazibabes një simbol i angazhimit tonë të përbashkët për një Maqedoni më të pastër dhe më të mirë!
