Deputete në Kuvendin e Republikës së Maqedonisë së Veriut Feride Haxhiu

E lindur më 08.06.1991 në Shkup, Republika e Maqedonisë së Veriut. Kombësia: Shqiptare. Arsimin fillor e mbaroi në Shkollën Fillore “Dituria” Saraj, ndërsa arsimin e mesëm në Shkollën e Mesme të Mjekësisë “Dr. Pance Karagjozov” Shkup. Në vitin 2017 diplomoi në Fakultetin e Shkencave Matematiko-Natyrore, në “Universitetin e Tetovës”, me titullin bachelor në Biologji.

Feride Haxhiu është zgjedhur sipas rezultateve nga zgjedhjet për deputetë në Kuvendin e Republikës së Maqedonisë së Veriut, të mbajtura më 8 maj 2024. Me konsensus u zgjodh gjithashtu si zëvendës koordinatore e grupit parlamentar për çështje dhe politika rinore. Ajo është e angazhuar në aktivitete të ndryshme në trupat punuese si anëtare dhe zëvendësanëtare, duke kontribuar në çështje sociale, ekonomike dhe të barazisë.

Filloi përvojën e punës që nga viti 2012 në Institutin e Shëndetit Publik në Shkup në Departamentin e Mikrobiologjisë dhe është një profesioniste e dalluar në fushën e bakteriologjisë dhe shëndetit publik. Ajo ka kushtuar karrierën e saj ndaj ngritjes së standardeve në kujdesin shëndetësor dhe përmirësimit të metodave diagnostike.

Gjatë periudhës së pandemisë COVID-19, tregoi përkushtim të veçantë dhe maksimal në vijën e parë të betejës, duke u transferuar drejtpërdrejt në Departamentin e Virologjisë. Si një nga figurat kyçe në menaxhimin e situatës emergjente shëndetësore, dha një kontribut profesional të rëndësishëm përmes zbatimit të teknikave të avancuara diagnostike, duke mundësuar identifikimin e shpejtë dhe të saktë të rasteve. Përveç angazhimit profesional dhe fizik, ofroi mbështetje psikologjike për pacientët dhe kolegët që përballeshin me sfidat e pandemisë, duke u bërë një shembull i vërtetë i solidaritetit dhe profesionalizmit në një periudhë kritike. Angazhimi dhe ndikimi i saj në fushën e shëndetit publik bëjnë që ajo të njihet si një lidere e respektuar, e cila vazhdon të kontribuojë në përmirësimin e jetës së qytetarëve nëpërmjet punës së saj të palodhur dhe dedikimit të qartë ndaj çështjeve të shëndetit dhe mirëqenies.

Ajo ka treguar një angazhim të lartë profesional përmes bashkëpunimit me Biotekun, duke kontribuar në avancimin e metodave të reja të analizave në institucionet përkatëse dhe në trajnimin dhe implementimin e standardeve moderne të punës.

Gjatë karrierës së saj profesionale, ajo ka demonstruar një përkushtim të lartë dhe mikrobiologjikë. Ajo ka marrë pjesë në Konferencën e Parë Ndërkombëtare për Sfida të Shëndetit Publik në Maqedoninë e Veriut dhe më gjerë, ku dha kontribut të rëndësishëm në diskutimet mbi monitorimin e vektorëve dhe zbatimin e teknikave të avancuara diagnostike për mbrojtjen e shëndetit publik.

Njohuritë e saj janë thelluar më tej në trajnimin e specializuar për testimin e rezistencës së insekticideve, organizuar në Montpellier, Francë, ku ka përvetësuar metoda të reja shkencore për monitorimin dhe kontrollin e vektorëve të sëmundjeve infektive. Ky angazhim është plotësuar me pjesëmarrjen e saj në Workshop-in e ECDC në Romë, Itali për forcimin e përgjigjes ndaj Virusit të Nilit Perëndimor, ku ajo ka kontribuar në rritjen e kapaciteteve për monitorim dhe përgjigje efektive ndaj sfidave të shëndetit publik.

Ajo ka marrë pjesë aktive në një sërë projektesh të rëndësishme kombëtare dhe ndërkombëtare, duke kontribuar në avancimin e shëndetit publik dhe forcimin e kapaciteteve profesionale. Me përkushtim dhe profesionalizëm, ajo ka qenë e angazhuar në aktivitete të organizuara nga institucione prestigjioze si ECDC dhe MediLabSecure, të cilat kanë një rol kyç në zhvillimin e teknikave të monitorimit dhe përgjigjes ndaj sëmundjeve infektive, si dhe në mbështetjen e sistemeve të shëndetit publik në nivel global.

Si pjesë e projekteve të këtyre organizatave, ajo ka dhënë kontribut të drejtpërdrejtë në implementimin e metodave të reja diagnostike, në monitorimin e vektorëve të sëmundjeve dhe në trajnimin e kuadrove të rinj, duke ndikuar në përmirësimin e standardeve të punës në institucione të ndryshme. Këto bashkëpunime të suksesshme kanë forcuar njohuritë dhe aftësitë e saj për të përballuar sfidat emergjente në fushën e shëndetit publik.

Përveç përvojës së fituar nga projektet e deritanishme, ajo shpreh dëshirën dhe gatishmërinë për të vijuar me organizimin e projekteve të ardhshme në bashkëpunim me organizatat joqeveritare, duke synuar forcimin e kapaciteteve profesionale, përmirësimin e politikave sociale dhe mbështetjen e të rinjve në fusha të ndryshme. Me vizionin e saj për progres dhe përmirësim të vazhdueshëm, ajo synon të jetë një faktor aktiv në krijimin dhe zbatimin e projekteve që kanë ndikim pozitiv në shoqëri.

Për më tepër, përvoja e saj përfshin edhe specializimin në menaxhimin e punës në laboratorët mikrobiologjikë, të kryer në Qendrën Kombëtare të Sëmundjeve Infektive dhe Parazitare në Sofje, Bullgari, ku ka fituar aftësi të avancuara për menaxhimin e laboratorëve dhe përmirësimin e standardeve të analizave.

Ajo është e njohur për talentin e saj të jashtëzakonshëm në komunikimin shoqëror, duke krijuar menjëherë një përshtypje të parë mbresëlënëse. Zotëron aftësi të shkëlqyera gjuhësore, me komunikim të rrjedhshëm në gjuhën angleze çka e bën të aftë të ndërveprojë në mënyrë profesionale dhe efektive në ambiente të ndryshme kulturore dhe institucionale.